Home » News » News Roundup » New Roundup » Featured » Direk Wenn dies of cardiac arrest

Direk Wenn dies of cardiac arrest

1direk-wenn-deramas copy

SUMAKABILANG-buhay ang box-office film director na si Wenn Deramas noong madaling-araw kahapon (Feb. 29) sanhi ng cardiac arrest.

Ayon sa kaibigan at business manager ng yumao na si June Rufino, namaalam si direk Wenn sa Capitol Medical Center pagkatapos isugod sa naturang ospital ang kanyang kapatid na DOA (dead on arrival) na dahil sa atake rin sa puso.

Sa naturang ospital na inatake ang 47-year-old film and TV director at hindi na siya na-revive pa.

Noong 2013 ay na-mild stroke na si direk Wenn kaya nagbawas muna siya ng trabaho habang nagpapagaling siya.

Unang nagtrabaho bilang writer ng ilang talk at variety shows si direk Wenn sa ABS-CBN 2 tulad ng “Showbiz Lingo,” “Sa Linggo nApo Sila” at “Teysi ng Tahanan.”

Nag-branch out siya sa pagdidirek ng teleserye noong makitaan siya ng potensyal sa pagdirek ng mga eksena sa drama segment ng programang “Teysi ng Tahanan” na “Kung Maibabalik Ko Lang”.

Unang dinirek na teleserye ni Deramas ay ang “Mula sa Puso” na nasundan ng “Saan Ka Man Naroroon,” “Sa Dulo ng Walang Hanggan,” “Marina,” “Kampanerang Kuba,” “Walang Kapalit,” “Dyosa,” “Kahit Puso’y Masugatan” at ang pinakahuli ay ang “Flordeliza.”

Naging box-office film director si Deramas dahil sa “Ang Tanging Ina” series na pinagbidahan ni Ai-Ai delas Alas.

Hinirang siyang phenomenal movie director dahil sa mga box-office breaking comedy films niya with Vice Ganda na “Petrang Kabayo,” “The Unkabogable Praybeyt Benjamin,” “This Guy’s in Love with U, Mare,” “Sisterakas,” “Girl Boy Bakla Tomboy,” “The Amazing Praybeyt Benjamin” at “Beauty and the Bestie.”

Ginawa rin niya ang mga pelikulang “D’ Lucky Ones,” “Ang Cute ng Ina Mo,” “Ang Tanging Pamilya,” “Volta,” “Moron 5,” and “Crying Ladies,” “Moron 5.2 The Transformation,” “BFF: Best Friends Forever,” “Bekikang,” “Who’s That Girl,” “Maria Leonora Teresa,” “Pasukod,” “Apat Dapat Dapat Apat,” “Bromance,” “Hating Kapatid,” “Ikaw Pa Rin Bongga Ka Boy,” “Kapag Tumibok Ang Puso: Not Once But Twice” at “Mula Sa Puso (The Movie).”

Sa gaganaping 47th Box Office Entertainment Awards sa April 17 ay isa si direk Wenn sa pararangalan bilang Most Popular Director, kasama si Cathy Garcia-Molina.

Sa Arlington Memorial Chapels sa Araneta Avenue, Quezon City, nakaburol ang mga labi ni direk Wenn. (RUEL J. MENDOZA)

comments