Home » News » News Roundup » P275-M shabu nasamsam

P275-M shabu nasamsam

Nasamsam sa tatlong hinihinalang Taiwanese drug pushers ang tinatayang 55 kilo ng shabu na nagkakahalaga ng P275 million sa isang buy-bust operation sa Muntinlupa City kahapon.

Naaresto ang mga suspek na sina Pong Jung, 19; Chen Hu Min, 27, at Eugene Chong, 24, pagkatapos magbenta ng 25 kilos ng shabu sa isang poseur-buyer ng National Capital Region Police Office-Regional Anti-Illegal Drugs Special Operations Group na pinamumunuan ni Chief Insp. Roberto Razon.

Nadiskubre ng mga pulis sa isang follow-up operation ang isang shabu laboratory kung saan nasabat ang 30 kilo ng shabu sa Ayala-Alabang, Muntinlupa.

“This started as a buy-bust but then out personnel were able to discover the shabu laboratory,” sinabi ni Director Joel D. Pagdilao, hepe ng National Capital Region Police Office.

“The successful buy-bust operation and discovery of suspected shabu laboratory is part of the aggressive implementation of the deliberate, programmatic, and sustainable anti-criminality program of the PNP,” dagdag ni Pagdilao.

comments