Home » Entertainment » Fantasy film is Arcilla’s antidote to stress

Fantasy film is Arcilla’s antidote to stress

JOHN Arcilla

SA unang pagkakataon ay bibigyang buhay ng award-winning actor na si John Arcilla ang papel ng isang hari sa isang telefantasya.

Si John ang napili para gumanap bilang si Haring Hagorn sa muling pagbabalik ng telefantasya na “Encantadia” ng GMA-7.

Ang orihinal na gumanap na Haring Hagorn ay si Pen Medina noong unang pinalabas ang “Encantadia” in 2005.

“Ang tagal-tagal ko nang pinapangarap na magkaroon ng isang character sa film or sa TV na fantasy.

“I love watching movies na may fantasy theme like ‘Narnia,’ ‘Lord of the Rings,’ ‘X-Men.’ Mahilig ako sa mga ganyan, sa spectacular productions.

“In fact, mas nanonood ako ng mga ganoon kaysa roon sa serious stories kasi ginagawa na natin ‘yan eh,” ngiti pa ni John.

Nakilala nga si John sa pagganap sa mga mabibigat na roles. Mula sa paglabas sa mga theater productions ng PETA hanggang sa pagpasok niya sa pelikula.

Kabilang sa mga unforgettable film roles ni John ay galing sa mga pelikulang “Ligaya ang Itawag Mo sa Akin,”

“Mulanay,” “Sa North Diversion Road,” “Compound,” “Metro Manila,” “Manila Skies,” “Halaw” at “Heneral Luna.”

“I do indie films. Pero pagdating sa ‘kin bilang manonood, gusto ko naman na ‘pag manonood ako ay ma-e-entertain ako.

“So I really watch these costumed productions like ‘Superman,’ ‘Batman,’ etc. Fan ako ng mga ‘yan since bata ako hanggang ngayon.

“When I got the role of Hagorn, it’s a dream come true for me.

“Ang sarap lang kasi minsang mag-indulge sa fantasy, nakakaalis ng stress. Sometimes kasi it’s okay lang naman po na minsan we escape from reality.

“I wanna play Hagorn like a king but with human frailties. Kahit naman hari, mayroon siyang insecurities.

“Ang first na pain ni Hagorn ay ang pagkabigo niya sa pagmamahal kay Minea.

“Kumbaga, ‘yung passion na ‘yon, nag-turn into something really chaotic.

“May paghuhugutan si Hagorn, hindi siya simpleng masama lang.”

Huling napanood si John sa romantic-comedy teleserye ng GMA-7 na “That’s My Amboy.” (RUEL J. MENDOZA)

comments