Home » Entertainment » Rodjun Cruz renews contract with gma-7

Rodjun Cruz renews contract with gma-7

7rodjun-cruz2-instagam-copy

Very grateful ang Kapuso hunk na si Rodjun Cruz dahil muli siyang nag-renew ng kanyang kontrata with GMA-7.

Nagpasalamat si Rodjun sa tiwala na binibigay sa kanya ng mga bossing ng naturang TV network at ginagawa naman daw niya ang lahat para patuloy na bigyan siya ng magagandang projects.

Sa kanyang Instagram ay nagpasalamat si Rodjun sa mga bosses ng GMA-7.

“Truly grateful and honored to be part of the GMA 7 family.

“Thank you so much for the trust! Maraming salamat rin po sa napakabait kong mga boss ng GMA 7.

Nagsimula ng lumabas si Rodjun sa bakuran ng GMA-7 noong 2013 via the Sunday variety show na “Sunday All Stars” at sa primetime teleserye na “My Husband’s Lover.”

Nasundan ito ng “Ang Dalawang Mrs. Real,” “My Faithful Husband” at “Princess in the Palace.”

Matagal na naging talent ng ABS-CBN 2 si Rodjun dahil isa siya sa member noon ng teen dance group ng ASAP na “Anime” kunsaan kabilang ang kanyang kuya na si Rayver Cruz at kasama rin sina John Wayne Sace, Sergio Garcia, Emman Abeleda, Mhyco Aquino at Mico Aytona.

Lumabas din siya sa mga teleserye na “Juanita Banana,” “Magkaribal,” “May Bukas Pa,” “Tayong Dalawa” at “Calla Lily.”

Lumipat sa bakuran ng TV5 si Rodjun kunsaan lumabas siya sa mga shows na “Lip Gloss,” “Bangis,” “Midnight DJ,” “P.O. 5” at “Hey It’s Saberdey.”

Kasalukuyang napapanood si Rodjun sa primetime telefantasya na “Encantadia” bilang matipunong si Pao-Pao, ang may hawak ng ikalimang brilyante. (Ruel J. Mendoza)

comments