Home » News » News Roundup » New Roundup » Regional » Mga tanod sa Romblon dumaan sa police training

Mga tanod sa Romblon dumaan sa police training

CALATRAVA, Romblon (PIA) – Sumailalim sa Barangay Peacekeeping Action Teams (BPATs) Training ang mga tanod sa bayan ng Calatrava upang matiyak na magiging handa sa pagresponde at epektibong mapanatili ang katahimikan at kaayusan sa mga barangay.

Ito ang pangunahing layunin ng BPATs Training na itinaguyod ng Calatrava Municipal police Station para sa nasasakupang barangay nito.

Ang nasabing pagsasanay ay dinaluhan ng mga BPATs mula sa pitong barangay kung saan tinuruan ang mga ito ng kaalaman na makatutulong sa pagpapanatili ng kapayapaan, mapangalagaan ng kaayusan at katahimikan ng kanilang komunidad.

Ayon kay Police Senior Inspector Gemmie M. Mallen, nakatalagang Chief of Police sa Calatrava MPS, ang pagsasanay ay sumentro sa handcuffing technique, police operation, basic investigation bilang mga first responder at pagtuturo ng arnis sa mga kalahok para maprotekhan ang kanilang sarili sa inaarestong nanlalaban.

Itinuro rin sa mga sumailalim sa pagsasanay kung paano maiwasan ang kontaminasyon sa crime scene, mga tamang procedure ng pag-iimbestiga sa insidente o krimen at mabilis na pagpaparating nito sa imbestigador ng PNP.

comments