BY RUEL MENDOZA
—-
NILINAW ng Kapuso young actress na si Kate Valdez ang tsismis na nagkaroon siya ng romantic relationship sa anak ni Manny Pacquiao na si Michael Pacquiao.
Ani Kate, never raw siya niligawan ni Michael at magkaibigan lang sila.
Naging friends daw sila over social media. Nag-like daw kasi si Michael sa isang post niya sa Instagram at sunod ay nagpakilala na ito sa kanya.
“Kaya po kami may photo na magkasama, inimbitahan niya ako sa 18th birthday. Mabait po si Michael. Nakipagkaibigan lang po siya sa akin. Pero wala pong ligawan na nangyari. Good friends po kami hanggang ngayon,” paliwanag ni Kate.
May manliligaw daw ngayon si Kate at ito ay ang kapwa Kapuso talent niya na si Manolo Pedrosa.
Naging close sila ni Manolo noong gawin nila ang movie na “Black Lipstick” last year.
Okay lang daw magpaligaw si Kate, pero priority nito ang career.
Matagal kasing hindi nabigyan ng teleserye si Kate after “Onanay” last year.
Habang wala raw siyang teleserye, tumutok siya sa pag-aaral niya ng high school sa Miriam College.
Ngayon ay nabigyan siya ng lead role, opposite Barbie Forteza sa “Anak Ni Waray Vs. Anak Ni Biday” kunsaan gaganap na mothers nila sina Snooky Serna at Dina Bonnevie.
