ON national TV, sinabi ni Willie Revillame na pag-aaralin niya ang Carrot Man na si Jeyrick Sigmaton. Sana lang ay tuparin ’yun ni Willie para magkaroon ng magandang kinabukasan si Carrot Man. Huwag sanang hanggang press release lang ang sinabi ni Willie.
Mas makakabuti kung mag-aral na lang si Jeyrick, kesa makipagsapalaran siya sa showbiz. Magugulo lang ang tahimik niyang buhay. Lubus-lubusin na sana ni Willie ang pagtulong kay Jeyrick. Kayang-kaya naman niyang ibili ng lupang masasaka ang pamilya nito.
Taga-Mountain Province ang pamilya ni Jeyrick at nakikisaka lang sila sa ibang lupain.