Nahuli ang isang pulis na nag-amok at hindi na pumapasok sa trabaho simula noong Pebero sa Barangay Bambang, Pasig City noong Biyernes.
Kinilala ni Senior Supt. Jose Hidalgo, Pasig police chief, ang suspect na si PO1 Jerry Griego. Isinumbong ng isang residente sa mga pulis na lasing at nanggugulo si Griego sa F. Castillo St. Dumating ang mga pulis at nakitang may hawak na piraso ng hollow block at naghahamon ng away.
Kinausap ng mga pulis si Griego at huminahon pero nanlaban ang suspek at hinataw si PO1 Marvin dela Rosa gamit ang hawak niyang hollow block. Nagkagulo pero naaresto ang suspek at dinala sa police station.
Nadestino ang suspek sa Eastern Police District Public Safety Battalion bago siya nalipat sa Pasig police station noong Pebrero. Nahaharap sa patong-patong na kaso ang suspek.