PAHINGA raw muna ang Kapuso actress-singer na si Manilyn Reynes sa mabibigat na teleserye.
Huling napanood si Mane sa afternoon teleserye na “Destiny Rose” kung saan marami siyang naging iyakan na eksena.
“Physically and emotionally draining noong ginagawa ko ’yung ‘Destiny Rose.’
“Walang eksena na hindi ako umiiyak!
“This time, iwas muna ako sa mga mabibigat na roles at gusto ko naman ng light – ’yung magpatawa naman ako.
“Kaya tamang-tama lang noong dumating itong role sa ‘Poor Señorita.’
“Gustung-gusto ko kaya mag-comedy naman muna tayo,” ngiti pa ni Mane.
Gumaganap si Mane bilang si Ligaya de Beauvoir sa primetime teleseryeng “Poor Señorita.”
Natuwa si Mane dahil first time niyang makakasama si Asia’s Songbird Regine Velasquez-Alcasid sa isang teleserye.
“Kaya welcome change sa akin itong ‘Poor Señorita.’
“Though may ginagawa naman akong comedy series na ‘Pepito Manaloto’ with Michael V., iba itong binigay na character sa akin sa ‘Poor Señorita.’ Enjoy na enjoy ako kasi karakter na karakter siya,” sey pa ni Mane.
Hindi nga raw nakakasama pa ni Mane si Regine sa anumang pelikula o TV show. Kaya itong first time na pagsasama nila ay magiging isang memorable experience sa kanilang dalawa.
“It’s my chance to work with Regine.
“Mas nakatrabaho ko nang matagal ang mister niyang si Ogie Alcasid.
“Si Regine ay nakasama ko na sa ibang musical shows sa GMA-7 like ‘S.O.P.,’ ‘Party Pilipinas,’ ‘Sunday All Stars’… pero never pa sa isang teleserye talaga.
“Kaya nakaka-excite kasi first time, eh. Tapos nagkakakuwentuhan pa kaming dalawa during break time sa set.
“Ang saya lang, lalo na kapag may eksena na kaming dalawa.
“Kaya abangan nila kung ano ang magiging papel ko sa buhay ni Regine dito sa ‘Poor Señorita.’ Kung kakampi ba ako o kaaway niya?” pagtapos pa ni Manilyn Reynes. (RUEL J. MENDOZA)