BUTUAN CITY – Niyanig ng magnitude 4.9 na lindol ang Surigao del Sur Martes ng gabi, ayon sa Philippine Institute of Volcanology and Seismology (Phivolcs).
Base sa Phivolcs bulletin, naitala ang epicenter ng pagyanig sa layong 23 kilometro hilagang-silangan ng bayan ng Cantilan, Surigao del Sur, sa oras na 7:32 p.m., Martes.
Naramdaman ang Intensity 4 ng pagyanig sa Tandag City at Carrascal town, Surigao del Sur, ayon sa ahensiya. Ang lindol ay tectonic in origin at may lalim na 30 kilometers, sabi ng Phivolcs. (Mike U. Crismundo)