Patay ang dalawang retired teachers pagkatapos banggain ng isang kotse ang kanilang motorsiklo sa Barangay Lawaan, Talisay City kahapon ng umaga.
Kinilala ng Talisay traffic police ang mga biktima na sina Pormoso Gallarde, 72, at kanyang asawang 65-years-old na hindi kinilala.
Ayon sa imbestigasyon ng Talisay traffic police, papuntang Cebu City ang mga biktima nang bumangga sa kanila ang sasakyang minamaneho ni Juretz Bayangan, 21, residente ng Minglanilla, Cebu. Umovertake si Bayangan sa isang kotse pero hindi niya napansin ang paparating na magasawa at sumalpok sa mga biktima. (Mars W. Mosqueda Jr.)