Tinatayang 200 bahay ang natupok sa sunog sa Barangay Duljo-Fatima, Cebu City Huwebes ng gabi.
Dalawang bumbero at pitong residente ang nasugatan sa sunog.
Sinabi ng Cebu City Fire Department na nagsimula ang sunog bago mag-hatinggabi at under control pasado 1 a.m. Tuluyang naapula ang sunog bago mag-6:30 a.m.
Nagkaroon ng tensyon ng magpaputok umano ng baril ang ilang mga residente upang pilitin ang mga bumbero na unahing isalba ang kanilang mga nasusunog na bahay. (Mars W. Mosqueda Jr.)