Isang babaeng nasa drug watch list ng Manila Police District (MPD) Station 1 ang itinumba ng dalawang nakamotorsiklong armadong lalaki sa Tondo, Manila, noong Biyernes ng hapon.
Kinilala ng mga kamag-anakan ang biktimang si Bernadette Ricassa, 27, residente ng 188 Osmeña Street.
Base sa police investigation, natutulog si Ricassa sa tapat ng kanilang bahay bandang 2 p.m. nang biglang dumating ang dalawang hindi kililang lalaki at isa sa kanila ang bumaba sa motorsiklo at binaril siya sa ulo at leeg.
Mabilis na tumakas ang mga salarin patunong Pacheco Street habang isinugod naman ang biktima sa Tondo Medical Center kung saan siya binawian ng buhay.
Ayon sa police, sangkot sa illegal drug trade ang biktima at ang kanyang live-in partner na si Renato Santiago. (Jaimie Rose R. Aberia)