Lumabas na ng Cardinal Santos Medical Center si Manila Mayor Joseph Estrada matapos siyang ma-confine doon ng dalawang araw dahil sa pneumonia, ayon sa kanyang aide.
Sinabi ni media relations officer Bambi Purisima na nakalabas na ng ospital ang 79-taong gulang na alkalde noon pang Biyernes (December 23) at balik trabaho na muli.
Nauna nang ibinalita ni Senator Joseph Victor “JV” Ejercito na isinugod ang kaniyang ama sa ospital noong December 21 matapos na makaramdam ng hirap sa paghinga.
Sinabi ni Ejercito na nakita ng mga doktor ang infection sa baga ni Estrada. (Cris G. Odronia)