HINDI nagpakabog ang solid fans ni Alden Richards sa solid fans ni Maine Mendoza. Para patunayang rich din ang Aldenatics, binigyan nila ng bonggang post-birthday celebration si Alden sa Solaire Hotel. Did we hear it right na diumano’y P1 million ang ginastos ng fans ni Alden?
Kung kaya raw gastusan ng Mainenatics si Maine, kaya rin daw ng Aldenatics para sa Pambansang Bae. Eh, di wow!
Galing Cebu sina Alden at Maine kung saan nakiisa sila sa celebration ng Sinulog Festival. From there, dumiretso na sila sa Solaire Hotel para sa birthday dinner ni Alden.
Nakasama nila ni Maine sa Sinulog Festival ang kapuwa Kapuso stars nilang sina Jennylyn Mercado at Gil Cuerva na magkatambal sa isang upcoming GMA teleserye. Nag-mall show naman sina Gabby Concepcion, Ryza Cenon at Sunshine Dizon.
Nakisaya rin sina Barbie Forteza, Jack Roberto, Ken Chan, Addy Raj, Ivan Dorschener at Mika dela Cruz.
US-bound
US-bound si Alden Richards para sa “Sikat Ka Kapuso!” tour ng GMA Pinoy TV. Kasama sina Lovi Poe, Dennis Trillo, Jennylyn Mercado, Tom Rodriguez at Betong Sumaya, magso-show sila sa Terrace Theater sa Ocean Blvd., Long Beach, California on Jan. 22.
Sayang at hindi kasama si Carla Abellana. Hindi kaya mainggit si Tom kina Dennis at Jennylyn? Hindi rin ka-join si Maine Mendoza. Wala ring ka-loving-loving si Lovi.
Balik-eskuwela
Naunahan pa nina Liza Soberano at Enrique Gil si Daniel Padilla sa pagbabalik-eskuwela. Nagpahayag noon si Daniel na gusto niyang mag-aral muli sa isang regular school. Nami-miss niya raw ang buhay-estudyante.
Sina Liza at Enrique, naka-enroll na sa isang university sa Parañaque para ipagpatuloy ang kanilang pag-aaral. Siguro naman, magu-good shot na si Liza ng netizen na nam-bash sa kanya at pinalabas na bad influence siya dahil sa expensive Chanel Boy bag na birthday gift sa kanya ni Enrique.
Ngayong balik-eskuwela si Liza, masasabing good influence siya sa mga kabataang gusting ipagpatuloy ang pag-aaral.
Extended
May bagong creatures sa “Encantadia” na dagdag aliw factor sa televiewers. Magkakaroon din ng bagong set at papasok ang mga bagong karakter dahil extended ito hanggang April.
Inaabangan na ang paglabas ng karakter ni Congressman Alfred Vargas bilang Amarro, ama ni Aquil (Rocco Nacino).
Maging kakampi o kaaway kaya si Amarro ng mga sang’gre?
Samantala, nagkasundo na sina Alena (Gabbi Garcia) at Danaya (Sanya Lopez). Natanggap na ni Alena ang kamatayan ng anak niyang si Kahlil (Avery Paraiso).