BUMAGAY kay Angel Locsin ang short hair niya ngayon. Mukha siyang ten years younger sa edad niyang 31 (or 32?).
Ipinost ng friend niyang si Bubbles Paraiso sa social media ang latest photo ni Angel noong nagpunta sila sa The Farm sa Lipa, Batangas. Uy! Talagang sa Lipa pa kung saan tagaroon ang mommy ng ex-boyfriend niyang si Luis Manzano na si Congresswoman Vilma Santos-Recto.
Sa short hair ngayon ni Angel, parang hindi nagkakalayo ang edad nila ni Jessy Mendiola, present GF ni Luis. Jessy is 23 years old.
Hindi naman siguro dahil heartbroken si Angel, kaya nagpaikli siya ng buhok. Matagal na silang break ni Luis at mukhang naka-move on na si Angel.
Nabalitang nalulugas ang buhok ni Angel dahil diumano sa hair treatment na ginawa sa kanya sa isang salon. No comment naman ang aktres.
Hindi kaya ’yun ang dahilan, kaya nagpaikli ng buhok si Angel? Whatever, bagay sa kanya ang short hair.
We remember, nagpaikli rin ng buhok si Angelica Panganiban months after or a year after or so matapos silang mag-break ni John Lloyd Cruz.
Si Anne Curtis, nagpaikli rin ng hair. Pero hindi sila nag-break ni Erwan Heussaff. Engaged couple na nga sila.
Sweet
Sweet naman ni Carla Abellana. Inihatid niya sa airport si Tom Rodriguez noong umalis ito papuntang USA. Kasama pa ni Carla ang alaga nilang aso na si Bub. Her caption: “Mami-miss ka naming ni Bub. Sobra.”
As if naman, super tagal sa USA si Tom. Nag-show lang siya sa Terrace Theater sa Long Beach, California noong Jan. 22 para sa “SikatKa, Kapuso” tour ng GMA Pinoy TV. Kasama niya sina Alden Richards, Dennis Trillo, Jennylyn Mercado, Lovi Poe at Betong Sumaya.
Inspiring
Sa ginanap na Fans Day ni Mikee Quintos, lalo niyang pinahanga ang kanyang fans. Ibinahagi niya sa mga ito ang pagmamahal niya sa art through drawing at pagkukulay. Anila, nakaka-inspire si Mikee dahil sa kabila ng kanyang kaabalahan sa tapings ng “Encantadia,” hindi siya sumusuko sa pag-aaral.
Architecture student si Mikee sa UST. Kapag break time nila sa “Encantadia,” nag-aaral siya ng lessons.
Aniya, kahit mahirap pagsabayin ang pag-aaral at pag-aartista, sisikapin niyang makatapos ng pag-aaral.
Samantala, marami pang revelations at kapana-panabik na mga eksena ang dapat abangan sa “Encantadia.” Marami ang naaaliw sa karakter ni Mikee bilang Lira. Kikay kasi at may pagkapasaway.