ANG daming bashers ngayon ni Aljur Abrenica kaugnay ng pregnancy issue kay Kylie Padilla. Kesyo, kasalanan daw ni Aljur at sinira pa niya ang career ni Kylie. Idinamay pa raw niya ang “Encantadia” star sa kawalan niya (Aljur) ngayon ng career.
Teka lang, kung totoong buntis si Kylie, bakit naman si Aljur ang sinisisi ng bashers? It’s unfair! Hindi mangyayari ang isang bagay kung ayaw ni Kylie. It takes two to tango.
Diumano’y three months pregnant si Kylie. Hindi naman maitatago ang katotohanan. Lalabas at lalabas din. Wait na lang tayo.
By the way, mag-e-expire na sa March this year ang kontrata ni Aljur sa GMA7. Mag-renew kaya siya o lilipat sa ibang network? Huli siyang napanood sa “Once Again” with Janine Gutierrez. May upcoming project na si Janine, “Legally Blind.”
What about Aljur? Mananatili kaya siyang Kapuso? Abang-abang na lang.
Dedmahan?
How true kaya ang tsikang diumano’y nagdededmahan sina Gabbi Garcia at Ruru Madrid sa set ng “Encantadia”? Diumano’y off-camera’y hindi nagpapansinan sina Gabbi at Ruru.
Diumano pa rin, nag-on ang dalawa noong December last year. Pero short-lived lang daw ang naging relasyon nila at nag-break sila. Aminin naman kaya ito nina Gabbi at Ruru? Eh, ano ’yung post ni Ruru sa social media na, “She’s mine!?
Hindi kaya gimmick lang ang diumano’y pagdededmahan nila sa set ng “Encantadia” dahil nabaling ang pagmamahal ni Ybarro/Ybrahim (Ruru) kay Amihan (Kylie Padilla)? Nasasaktan si Alena (Gabbi). May mga pasabog this week at ayon kay direk Mark Reyes, masa-shock ang Encantadiks (viewers ng “Encantadia”), kaya huwag palalampasin ang mga kaganapan.
Bumisita
Abangan mamaya sa “Wowowin” ang pagbisita ng ilang Miss Universe candidates. Masaya ang mga ito sa mainit na pagtanggap sa kanila ng Kapuso Network.
Sa Jan. 30 ang coronation ng Miss Universe 2016 na live mapapanood sa GMA7 at 8 a.m. mula sa SM MOA Arena.
Nasaan?
Nasaan na nga ba si Janno Gibbs? Ano na kayang pinagkakaabalahan niya ngayon? Nakabalik na si Ogie Alcasid sa ABS-CBN at may show na siya. Isa siya sa mga hurado sa “Your Face Sounds Familiar Kids” at panay ang guestings sa mga programa ng Kapamilya Network.
Sinundan pa mandin ni Janno si Ogie sa TV5. Nagkasama sila sa isang show. Pero inalis ang entertainment shows ng bagong pamunuan. Tinapos lang ni Ogie ang kontrata niya sa TV5 at saka siya lumipat/bumalik sa ABS-CBN.
Si Janno, walang balita. Missing in action.
