Patay ang isang robbery suspect nang pagbabarilin ng dalawang armadong lalaki na nakamotorsiklo noong Sabado ng umaga sa Las Piñas City.
Base sa police report, agad na binawian ng buhay ang biktimang si Erwin Ferrer, 46, residente ng Talon Uno, Las Piñas City, dahil as mga tama ng bala sa katawan.
Naganap ang pagpatay dakong 1 a.m. sa tapat ng Alfa Mart convenience store sa Marcos Alvare Avenue, Barangay Talon 5, Las Piñas City.
Ayon sa report ng Southern Police District (SPD) director Chief Supt. Tomas Apolinario, nakatayo ang biktima sa tapat ng convenience store nang bilang dumating ang dalawang lalaking nakasakay sa motor. Isa sa kanila ang lumapit sa biktima at pinagbabaril siya. (Jean Fernando)