Matapos tanghaling best actor sa Tokyo International Film Festival last year sa performance niya bilang Trisha sa “Die Beautiful,” isa na namang karangalan ang natanggap ni Paolo Ballesteros kaugnay sa naturang pelikula.
Ginawaran siyang Film Development Council of the Philippines (FDCP) bilang Film Ambassador.
Si Paolo rin ang nanalong best actor sa nakaraang Metro Manila Film Festival for his performance in “Die Beautiful.”
Palaisipan
Palaisipan kung kailan nag-taping sina Erich Gonzales at Daniel Matsunaga para sa Monday episode ng “Minute to Win It.” Super sweet pa sila na parang hindi naman sila nag-break.
Hindi kaya bago lumabas ang break-up issue sa kanila, nai-tape nila ang episode kahapon ng MTWI?
Hindi pa malinaw ang dahilan ng break-up nina Daniel at Erich. May mga haka-haka na diumano, hindi na natagalan ni Erich ang pakikipag-relasyon kay Daniel. Diumano rin, hate ni Erich pati pamilya ni Daniel na ayaw na niyang makita.
Bakit kaya?
Mahal na mahal pa naman si Erich ng pamilya ni Daniel. Ano’ng nangyari?
Si Erich ang second showbiz na naging girlfriend ni Daniel. Una’y si Heart Evangelista na isinama pa ni Daniel sa Brazil. Pagbalik nila sa Pilipinas ay nag-break sila.
Pinag-iisipan
Pinag-iisipan pa ni Angel Locsin kung magdedemanda siya laban sa owner ng salon na nagsagawa ng hair treatment sa kanya. Dahilan para masunog ang kanyang buhok. Nalugas ‘yun na halos two inches na lang ang natira sa kanyang buhok.
Ani Angel sa interbyu ng “TV Patrol,” kung siya lang ang masusunod, ayaw niyang mag-demanda. Pero may mga taong concerned sa kanya ang gustong magsampa siya ng legal action. “Depende sa mapag-uusapan namin (salon owner),” ani Angel.
Nalungkot
Nalungkot ang netizens sa pagkamatay ni Pirena (Glaiza de Castro) sa “Encantadia.” Pero may twist, kaya abangan ang mga kaganapan this week sa top-rating telefantasya ng GMA.
By the way, naaliw ang studio audience, pati home viewers ng “People Vs. The Stars” episode noong Linggo (Feb.5).
Celebrity players ang “Encantadia” stars na sina Glaiza de Castro, Ruru Madrid at Sanya Lopez. Nag-enjoy sila sa pagsagot sa tricky questions ng hosts na sina Drew Arellano at Iya Villania.