Pa-secret-secret pa si Mark Herras nang tanungin kung engaged na sila ni Winwyn Marquez, kaya inakalang nag-propose na siya ng kasal.
Idideny din naman pala niya ‘yun sa social media. Aniya, nag-celebrate lang sila ng Valentine sa Japan. Hindi pa sila engaged at hihingi muna siya ng permiso sa parents ni Winwyn.
Itinanggi rin ni Mark na buntis si Winwyn. Hindi pa raw ito handa. Marami pa itong pangarap sa buhay at gusto niyang matupad lahat ‘yun ni Winwyn.
Gusto nitong maging beauty queen. Magta-try muli si Winwyn sa Binibining Pilipinas. Gusto rin niyang maging successful sa showbiz career. Napapanood si Winwyn sa “Encantadia” where she plays Helgad bilang ina-inahan ni Deshna/Luna (Inah de Belen).
Pasabog
Pilot week pa lang ng “Legally Blind” na nag-umpisa noong Lunes, ang dami na agad pasabog. Ani Janine Gutierrez, nagulat din sila nina Mikael Daez at Lauren Young noong nabasa nila ang script.
Hindi nila agad nabitiwan at natapos nilang basahin ang one week episode. “Sobrang daming mangyayari. Merong trahedya, nakakakilig, nakakaiyak. I’m sure, marami ang makaka-relate sa pinagdaraanan ng mga karakter,” said Janine na aniya pa, very challenging ang role niya. Rape victim siya at lawyer na nabulag.
Plastikan
Ang daming naplastikan kina Erich Gonzales at Daniel Matsunaga noong nag-show sila sa USA. Sweet-sweetan daw ang ex-sweethearts. Halata naman daw napipilitan lang ang dalawa, lalo na si Erich.
No choice naman sila dahil kailangan nilang gawin ‘yun, just for show. ‘Heard, utos sa kanila ‘yun. Kailangan nilang sumunod. Or else! Ang career.
Banta
Nagbabanta ang ilang AlDub Nation. Iboboycott daw nila ang “Destined To Be Yours.” Namili raw kasi si Alden Richards ng fans na pinadalaw niya noong na-confine siya sa isang undisclosed hospital dahil sa tonsilitis at over fatigue.
Eh, No visitors allowed.
Ang Aldenatics lang daw ang pinahintulutang dalawin siya. Nagkasagutan sa social media ang AlDub Nation at Aldenatics. Post ni Alden sa FB, huwag nang palakihin ang mga bagay. May consent niya ang pagdalaw ng Aldenatics.
Payo ng mga taong concerned at nagmamahal kay Alden, hinay-hinay lang sa trabaho. Health is wealth.