Nasawi ang isang police officer nang matumba sa daan ang minamanehong niyang motorsiklo sa Barangay Pinagkaisahan, Makati City, kahapon ng madaling araw.
Kinilala ng Makati City Traffic Enforcement Unit ang biktima na si Police Officer 1 Jumar Wallace Abag, 23, ng Kabayan, Benguet, at nakatalaga sa Caloocan Police Station (PS).
Base initial investigation, tinatahak ni Abag ang northbound lane ng EDSA bago pa dumating ng Estrella footbridge dakong 3:20 a.m. nang mawalan siya ng control sa motorsiklo.
Una ang ulong bumagsak sa daan ni Abag mula sa motorsiklo. Dahil sa sobrang lakas ng pagbagsak, nabasag ang suot niyang helmet, ayon sa police report. (Martin A. Sadongdong)
