Pinasalamatan ni Rocco Nacino sa social media ang isang “Encantadia” viewer sa constructive criticism nito. Ni-replayan niya ito na aniya, ina-appreciate niya ang opinion nito. “Will take note on that,” post ni Rocco na gumaganap na Aquil sa naturang telefantasya ng GMA7.
Aniya, open-minded siya sa mga criticism dahil nakakatulong ‘yun kung ano ang nararapat niyang baguhin o gawin bilang isang aktor.
Samantala, si Phytos Ramirez ang bagong pasok na karakter sa “Encantadia.” Siya ang gumaganap bilang binatang Paopao.
Ang child star nasi Yuan Francisco ang gumanap bilang batang Paopao. Abangan ang mga susunod na kaganapan sa muling pagpasok ng binatang Paopao sa lagusan ng Encantadia sa gabay ng brilyante ng diwa.
Proud
May ka-share na si Sheena Halili sa titulong Pambansang Best Friend. Parati kasing best friend ng bidang babae sa teleseryeang role niya. Ang newbie na si Ashley Rivera ang gumaganap bilang Diana sa “Legally Blind” na best friend ni Janine Gutierrez (as Grace).
Proud siya in every way na tulungan si Grace sa sakit na pinagdaraanan nito. Post ni Ashley sa social media, happy siya bilang Pambansang Bes. Masarap siguro maging friend si Ashley dahil bukod sa supportive, mukhang parating positive ang outlook sa buhay.
Boto
Boto si Vina Morales kay Piolo Pascual for her younger sister na si Shaina Magdayao. Aniya sa isang interbyu, hindi siya nakikialam sa lovelife ni Shaina. Kung sino ang mahal nito at kung saan ito maligaya, okey lang.
Exclusively dating for five years ang press release nina Piolo at Shaina. Ayaw nilang lagyan ‘yun ng label. Ani Shaina, huwag masyadong umasa kung saan hahantong ang exclusively dating nila ni Piolo.
Anniversary
Sa Japan nag-celebrate ng kanilang first anniversary as sweethearts sina Jasmine Curtis-Smith at Jeff Ortega. Isang dog (ewan kung ano’ng breed) ang anniversary gift ni Jeff kay Jasmine.
Nagmamay-ari ng isang beach resort sa La Union ang pamilya ng non-showbiz boyfriend ni Jasmine. Boto kay Jeff ang ate Anne ni Jasmine dahil marunong daw ito makisama sa kanilang pamilya.
Ikakasal this year si Anne kay Erwan Heussaff, pero hindi pa alam ni Jasmine kung ano’ng magiging participation niya sa wedding entourage.