Mukhang malabo nang matuloy ang reunion movie nina Sharon Cuneta at Gabby Concepcion. Diumano, P10million ang asking price ni Gabby para gawin ang pelikula nila ni Sharon. Totoo kaya? Ano kaya ‘yun, take it or leave it?
Presyong ayaw gawin ni Gabby ang pelikula. May ibang version naman na diumano, nire-revise lang ang script, kaya hindi pa makapag-umpisa ng shooting. Which is which kaya?
Walang problema sa talent fee ni Sharon dahil aniya, alam ng Star Cinema ang asking price niya. Thirty years na siyang hindi nagtataas ng TF. Nasa abroad ngayon si Sharon at nagbabakasyon with her husband Senator Kiko Pangilinan na inuulan ng mga batikos ngayon mula sa netizens.
Hurting
Hurting pa rin si Robi Domingo sa break-up nila ni Gretchen Ho. Halata naman ‘yun sa kanyang aura. May lungkot sa kanyang mga mata kapag nagsasalita si Robi. Ang laki rin ng ibinawas ng timbang niya.
Aniya sa isang interbyu, walang third party at mutual decision nila ni Gretchen ang mag-break. Halatang affected much si Robi sa kanilang hiwalayan. Tama ba kami?
Inamin naman ni Robi sa isang presscon na nasasaktan pa rin siya. Pero kailangan niyang mag-move forward.
B-day gift
Bouquet of flowers ang gift ni Miguel Tanfelix kay Bianca Umali nitong nakaraang 17th birthday ng kanyang ka-love team. Tiyak, kakaririn ni Miguel ang kanyang gift kay Bianca next year kapag nag-18 na ito. May formal courtship na kaya?
For now, enjoy-enjoy lang sina Bianca at Miguel sa company ng isa’t isa. Special friends ang label ng kanilang relasyon, anila.
By the way, malapit nang ilabas sa newsstands ang isang glossy magazine kung saan isa sa cover girls si Bianca. Sa post niya sa social media, kitang-kita ang pagiging fresh at youthful ng Kapuso teen star sa cover. Akmang-akma sa coming of age aura ni Bianca.
Abangan din ang coming up prime time series nila ni Miguel sa GMA7.
Celebrity players
Sina Rocco Nacino, Andrea Torres at Pekto ang celebrity players ngayong Linggo sa “People Vs. The Stars.” Masagot kaya nila ang tricky questions ng hosts na sina Drew Arellano at Iya Villania? Tutok lang sa GMA at 5 pm.