Isang 25-taong gulang na dalaga ang nagpakamatay sa pamamagitan ng pagtalon sa isang ilog sa Makati City noong Martes.
Nakilala ng police ang biktima sa pamamagitan ng kaniyang ID na si Sheena Ravelo, 25, ng Block 10 Lot 3, Dama De Noche St., Molino VII, Cavite City.
Isang Renita Tominio ang nakakita kay Ravelo na umiiyak dakong 1 p.m. habang nakatayo sa gilid C-5 Bridge sa 25th Street, Brgy. West Rembo.
Ayon kay Senior Police Officer 2 Dominador Robles, case investigator, tinangka pang kausapin ni Tominio si Ravelo ngunit humagulgol lang ang huli.
Nagulat si Tominio nang biglang tumalon sa ilog dalaga.
Na-recover ng Philippine Coast Guard (PCG) team sa pamumuno ni PO3 Ronaldo Valbinar ang bangkay ni Ravelo.
(Martin A. Sadongdong)