MALOLOS (PIA) – Kakabitan muli ng maliliwanag na ilaw ng Department of Public Works and Highways o DPWH ang bahagi ng Malolos mula sa barangay Longos sa may boundary ng Calumpit hanggang barangay Tikay na nasa boundary ng Tabang sa Guiguinto.
Iyan ang kinumpirma ni James Hernandez ng DPWH First Engineering District sa ginanap na pagdinig ng Sangguniang Panlalawigan kaugnay ng panukalang ordinansa sa mahigpit na pagbabawal laban sa iligal na pagtawid sa lahat ng lansangan sa buong lalawigan.
Kabilang sa mga lumabas na problema ang labis na kadiliman ng kahabaan ng MacArthur Highway lalo na sa bahagi ng Malolos.