Sa wakas ay opisyal nang ihahayag sa “24 Oras” ang buong cast ng “Mulawin vs. Ravena” na matagal nang hinihintay mapanood ng mga Kapuso viewers.
Bukas, malalaman na kung sinu-sino ang gaganap sa mga pinasikat na karakter ng iconic telefantasya. Dahil kakaiba ang kwento nito sa naunang version, kailangang tutukan kung mananatili bang masama ang grupo ng Ravena, o mababago ba ang ugali ng mga Mulawin.
Talagang kapana-panabik ito dahil ngayon pa lang ay usap-usapan na kung sino ang mga magkakampi at magkakaaway. Sinu-sino kaya ang mga Kapuso stars na mapapabilang sa mga Mulawin? At sino naman ang gaganap sa mga karakter na kaanib ng mga Ravena? Tutukan ang big reveal na ito sa “24 Oras” bukas.