Isang four-storey house ang ipapatayo ni Rocco Nacino para sa kanyang future family. Aniya, uunahin muna niya ang bahay natitirahan ng kanyang future wife and children.
Sa Valley Golf sa Antipolo City siya magpapatayo ng bahay with five bedrooms. Four hundred forty square meter lot ‘yun na ani Rocco, ipapa-feng shui muna niya bago pasimula na ng construction ng bahay.
“Life is good, life is fun. Inspired ako magtrabaho ngayon,” ani Rocco nang nakausap namin sa taping ng “Encantadia.”
Thankful siya na hindi siya nababakante sa trabaho.
On May 12, may show si Rocco sa Vancouver, Canada. May gagawin din siyang isang indie film. This September, nasa New York naman siya. Magbabakasyon siya ng one week sa Europe. On March 31, manonood siya ng concert ng Coldplay sa Singapore.
Ani Rocco, gusto niyang mag-aral muli. Registered nurse siya, pero never pa niya na-praktis ang kanyang profession dahil naging busy na siya sa kanyang showbiz career. Gusto niyang mag-Master’s Degree para makapagturo siya.
Naimbitahan daw siya ng board members ng Aesthetic Nursing sa Pilipinas na maging bahagi nito.
Biniro lang
Manonood din si Glaiza de Castro ng concert ng Coldplay sa Singapore on March 31. Kasama niya sina Angelica Panganiban, Ketchup Eusebio and her younger brother, Alchris Galura. Ani Glaiza inilibre sila ng VIP tickets ni Angelica. ‘Yung air fare ni Glaiza at hotel accommodation ay sinagot naman niya. Aalis sila on March 30 at hanggang April 2 sila sa Singapore.
Wala siyang taping ng “Encantadia,” kaya natuwa si Glaiza. Aniya, biniro lang niya si direk Mark Reyes na bigyan ng lovelife si Pirena. Sa mga sang’gre kasing kasama niya’y siya lang ang wala.
Merong DanQuil (Danaya at Aquil) na ginagampanan nina Sanya Lopez at Rocco Nacino, Amihan at Ybrahim (Kylie Padilla at Ruru Madrid), Alena at Ybarro (Gabbi Garcia at Ruru Madrid). Reincarnation ni Amihan si Ariana (Arra San Agustin) na love interest ngayon ni Ybrahim.
Si Marx Topacio (Azulan) ang kapareha ni Pirena, kaya nabuo ang Azpiren love team nina Glaiza at Marx. “Abangan n’yo ang mangyayari sa karakter nina Azulan at Pirena sa mga susunod na episodes ng ‘Encantadia.’ Exciting!” ani Glaiza.