Isang 37-taong gulang na lalaki ang nasawi nang bumangga ang minamaneho niyang motorsiklo sa isang lamp post kahapon ng umaga sa Paranaque City.
Nakilala ang biktima sa pamamagitan ng kaniyang driver’s license na si Edlin Garay, 37, tubong Mati, Davao Oriental. Namatay siya noon din dahil sa matinding pinsala sa ulo at katawan.
Ayon kay Paranaque City Traffic Enforcement Unit, naganap ang aksidente dakong 3 a.m. sa kahabaan ng MIA Road, Barangay Tambo, Paranaque City.
Base sa police report, minamaneho ng biktima ang motorsiklong may plate number NA-85274 nang mawalan siya ng control sa sasakyan at humampas sa lamp post.
Nahulog mula sa motorsiklo ang biktima na siyang naging dahilan ng kaniyang pagkasawi. (Jean Fernando)