LUNGSOD NG KORONADAL, South Cotabato (PIA) – Business as usual.
Ganito inilalarawan ni South Cotabato Gov. Daisy Avance-Fuentes ang pamumuhay ng mga residente ng South Cotabato sa kabila ng deklarasyon ni Pangulong Rodrigo Duterte ng Martial Law sa Mindanao.
Sa katunayan, ayon kay Gov. Fuentes, hindi magdedeklara ng curfew ang pamahalaang panlalawigan maliban na lang kung iuutos ito ng intelligence community.
Ani Gov. Fuentes, masisira lang ang negosyo sa lalawigan at ang pamumuhay ng mga mamamayan kung magdedeklara ng curfew na hindi naman kailangan.
