KUNG nagbigay-pugay si Willie Revillame sa mga sundalo at kapulisan sa pamamagitan ng programa niyang “Wowowin,” ang Marawi evacuees naman ang bibigyan ng tribute sa ASAP.
Magkakaroon ng nationwide telethon. Idea ito nina Robin Padilla, Piolo Pascual at direk Joyce Bernal. Nakipag-meeting sila sa iba’t ibang department heads ng ABS-CBN.
Inaasahan ang suporta ng ibang celebrities at ng sambayanang Pilipino para sa Marawi evacuees.
New show
Matapos ang special participation ni Carmina Villaroel sa “Super Ma’am” bilang Ceres, mapapanood siya sa isang upcoming primetime series ng GMA.
‘Heard, tailor-made sa kanya ang role, kaya excited na si Carmina masimulan ang taping ng bago niyang show sa Kapuso Network. Aalamin pa namin kung sinu-sino ang makakasama niya at kung sino ang direktor.
Out na
Dahil sa pagkabuwag ng love team nina Kisses Delavin at Marco Gallo, balitang hindi na sila kasama sa isang upcoming teleserye ng ABS-CBN na tatampukan nina Piolo Pascual, Alessandra de Rossi, Arci Muñoz at Empoy.
Ayon sa impormasyong nakuha namin, sinubukang ayusin ng Star Magic kung anuman ang gulo kina Kisses at Marco. Kapuwa sila kinausap, subalit walang nangyari.
Busy kasi
Hindi isyu kay Andrea Torres kung hindi siya nakasama sa “Bubble Gang” girls para sa cover ng isang men’s magazine.
Iniintriga kasi na sinadya ‘yun para hindi raw siya makaagaw-pansin sa mga kasama niya.
May ibang version naman na diumano, ayaw ni Andrea at gusto niya’y solo lang siya. Mariing itinanggi niya ‘yun na aniya, busy siya sa taping ng “Alyas Robinhood,” kaya hindi siya nakasama sa photo shoot.
Hiningan pa nga siya ng tips ng BG girls kung paano ang gagawin nila sa photo shoot, like paano sila magpo-project, et cetera. Naging cover na kasi si Andrea ng naturang men’s magazine.
Aniya, hindi na niya kailangan bigyan ng tips ang BG girls dahil kayang-kaya naman ng mga ito ang dapat gawin. Happy siya sa kinalabasan ng photo shoot ng mga ito.
Mag-win sana
Bukas na ang coronation night ng Reina Hispanoamericana at sana’y maiuwi ni Winwyn Marquez ang korona. Win na siya bilang runner-up sa Best in National Costume.
Nangunguna rin si Winwyn sa online voting. Sa Bolivia gaganapin ang pageant night at ipagdasal nating lahat na magtagumpay siya.