MA-SURVIVE kaya ng mga “StarStruck” Graduates ang “All-Star Videoke” kantahan at laglagan ngayong Linggo?
Aapak sa butas ng kapalaran ang mga “StarStruck” Alumni na sina Rainier Castillo, Vaness del Moral, Kevin Santos, Arra San Agustin, Ayra Mariano at Migo Adecer.
Ang “StarStruck” 1st Ultimate Female Survivor na si Jennylyn Mercado at ang Superstar Duet Champ na si Nar Cabico ang uupong All-Star Laglagers na huhusga sa kapalaran ng ating “StarStruck” Videoke Stars, abangan din ang pagbirit nina Nar at Jennylyn ng mga awitin sa Push and Sing Round Playlist.
Pero sino kaya sa anim na Videoke Stars ang makakaligtas sa laglagan round at haharap sa All Star defending champ na si Empress Schuck?
Tomorrow , sasamahan ng videoke expert na si Betong ang Chika Minute host na si Iya Villania.
“All-Star Videoke!” airs after “24 Oras Weekend” on GMA-7.