Mangangaroling ngayong Linggo, kasama nina Betong at Solenn Heussaff, ang mga “Videoke Stars” na sina Maricris Garcia, Rita Daniela, Edgar Allan Guzman, Myke Salomon, Mr. Fu, at Tuesday Vargas.
Pero bibigyan kaya sila ng aginaldo o ilalaglag sa butas ng kapalaran ng “All-Star Laglagers” na sina Boobay at Super Tekla?
Dalawa sa “Videoke Stars” ang maghaharap sa “Push and Sing Round” at alamin kung sino sa kanila ang tatanghaling bagong All-Star Videoke Champ na posibleng mag-uwi ng cash prize at brand new car, kung maitatawid niya ang kanyang titulo hanggang ika-apat na linggo!
Sama-samang magkantahan, laglagan at damhin ang kasiyahan ng Kapaskuhan ngayong Linggo sa “All-Star Videoke,” after “24-Oras Weekend” sa GMA-7.