NASA Japan ngayon si Alden Richards kasama ang kanyang pamilya. Dec. 19 sila umalis. Doon sila magpa-Pasko at first time na magkakasama sila sa out of the country vacation.
Sobrang excited si Alden dahil ngayon lang siya nagkaroon ng panahon na makasama ang kanyang pamilya. Sobrang busy kasi siya sa kanyang work, kaya hindi niya nakaka-bonding ang mga ito.
Sa Japan din nag-advance Christmas celebration sina Zoren Legaspi at Carmina Villarroel with their twins, Mavy and Cassy. Pabalik na sila ng Pilipinas ngayong Dec. 23 dahil gusto ni Carmina na kasama niya ang kanyang daddy sa Christmas Day.
Ulila na siya sa ina na matagal na itong namayapa.
Sa Japan din nag-honeymoon sina Ai-Ai delas Alas at Gerald Sibayan. Sinulit nila ang bakasyon cum honeymoon na walang inaala lang work si Ai-Ai. Basta enjoy lang sila ng kanyang hubby.
Expired na
Sa Siargao naman ang destination nina Dingdong Dantes at Marian Rivera with their Baby Zia at respective families nila. After Christmas sila aalis para sa ilang araw na bakasyon. Babalik sila bago mag-New Year.
Expired na ang kontrata ni Marian sa GMA Network at muli siyang pipirma ng another three-year contract sa January 2018. Magtatapos naman ang “Super Ma’am” sa last week ng January, pero posibleng ma-extend ito kung mananatiling mataas ang rating nito.
Ani Marian, marami pa siyang pwedeng makalaban. Marami pang Kapuso stars ang pwedeng mag-guest. Nag-taping na si Gil Cuerva na gaganap bilang zombie.
Pwede kayang mag-guest sa “Super Ma’am” sina Heart Evangelista at Andrea Torres?
Peg
Baklang-bakla ang karakter ni Edgar Allan Guzman bilang Mark sa “Deadma Walking.” Aniya, ang gay brother niya ang kanyang peg, kaya kuhang-kuha niya ang ugali nito, pagkilos at pagsasalita ng isang baklang ladlad ang kasarian.
Pang-apat na gay role na ito ni Edgar na aniya, ito na ang pinakamalandi niyang pagganap. ‘Kaaliw nga siya noong napanood namin ang trailer ng “Deadma Wallking.” Mapapaisip ka kung totoo bang bakla si Edgar?
Gay role rin si Joross Gamboa sa “Deadma Walking.” Tipong closet queen na hindi out na bading. Pareho sila ni Edgar na epektibong nagampanan ang kanilang karakter.
Entry sa Metro Manila Film Festival ang “Deadma Walking” na magsisimula sa Dec. 25.
