Mukhang hanggang kilig-kiligan na lang si Sanya Lopez kay Rocco Nacino. Mala-Alden Richards-Maine Mendoza lang ang peg. Mukhang kahit ano’ng pilit ng fans nina Rocco at Sanya na maging real ang reel love team nila sa “Haplos,” mukhang friend zone lang talaga ang dalawa.
Sweet-sweetan ang magkamasang picture nina Rocco at ng volleyball player na si Melissa Gohing na lumabas sa social media. Naintriga ang fans kung “sila” na ba dahil hindi mukhang pang-friends lang ang kanilang pose. Parang may “something.”
Noong ginagawa nina Rocco at Sanya ang “Encantadia” ay ang GMA Artist Center talent na si Arianne Bautista ang special friend ni Rocco. Short-lived romance lang ang namagitan sa kanila.
Sumunod na na-link kay Rocco ay isang model. But then again, sandali lang ang namagitang “something” between them.
Anang “Haplos” star, hindi pa siya handang magmahal nang buung-buo.
This time kaya, handa na si Rocco? Abang-abang na lang.
Napag-uusapan na
Planong magtayo ng mini-resort sa La Union si Jasmine Curtis-Smith. Marahil ay na-influence siya ng boyfriend niyang si Jeff Ortega na may beach resort ang pamilya nito sa La Union.
Ayon pa kay Jasmine, napag-uusapan na nila ang pagpapakasal. Magtu-two years na ang kanilang relasyon next year at going strong ‘yun.
Marami ang nababahala sa kapayatan ngayon ni Jasmine na iniisip ng iba na anorexic siya . Aniya, nothing to worry about. Wala siyang sakit at regular siyang nagpapa-check-up sa kanyang doctor.
Pumayat daw siya dahil nanibago ang katawan niya sa madalas na pagta-travel niya abroad. Wala na siyang yaya at driver. Nag-aalaga pa siya ng dalawang aso.
Kasama si Jasmine sa “Siargao,” entry sa ongoing Metro Manila Film Festival, tampok sina Jericho Rosales at Erich Gonzales.
Good break
Mukhang maganda ang pasok ng 2018 kay Jak Roberto. Sa upcoming GMA series, siya ang leading man ni Glaiza de Castro sa “Contessa.”
May tsika noon na diumano, may (o mga) taong gustong pabagsakin ang career ni Jak. Mukhang hindi nagtagumpay ang plano (kung totoong meron nga) dahil hayan at magandang break ang ibinigay ng Kapuso Network kay Jak.
Kasama rin sa “Contessa” ang balik-Kapuso na si Geoff Eigenmann, Gabby Eigenmann, Lauren Young, Dominic Roco, Bernadette Allyson, Phytos Ramirez, Tetchie Agbayani at may special participation si Mark Herras.
