By Danny J. Estacio
TAYABAS CITY, Quezon – Patay ang isang lalaki rito madaling araw ng Martes makaraang mahuli ito sa akto na ninanakaw ang donation box ng isang simbahan.
Ayon sa salaysay ni Ferdinand Moreno, guwardiya ng St. Michael Church sa Barangay San Roque, napilitan umano siyang barilin ang hindi pa nakikilalang suspect na tinatayang nasa edad 25-30 anyos, ng tangkain nitong agawin ang kanyang service firearm pagkatapos niyang mahuli ito.
Sa imbestigasyon, napag-alaman na napasok ng suspect ang simbahan ng sirain nito ang padlock ng main gate bandang ala-una ng medaling araw.
Tumuloy ito sa second floor ng kumbento at dagling kinuha ang donation box na nagkakalaman ng R12, 111.00.
Dito siya naaktuhan ni Moreno na sa pagkakataon na iyon ay umiikot sa lugar.
Ayon kay Moreno nagpambuno sila ng suspect hanggang sa tuluyan niyang mabaril ito sa ulo sanhi ng agarang pagkamatay nito.
Dinala ang bangkay ng suspect sa kalapit na Funeraria Pagbilao para sa autopsy.