By Franco G. Regala
CAMP OLIVAS, Pampanga – Arestado and apat na kalalakihan sa magkakahiwalay na buy-bust operations na isinagawa ng pulisya sa magkakaibang lugar sa Mabalacat City nitong Linggo.
Kinilala ang mga suspek na sina Lyndiole Perez, 24; John Paul Timbol alyas Popoy, 20; Jerson Timbol alyas Tonton, 21; at Rainer Reyes alyas Negneg, 20.
Nasamsam kay Reyes ang isang bloke ng pinatuyong dahon ng marijuana. Samantala, ang 2 Timbol at si Perez ay nahulihan ng 5 plastic sachets na naglalaman ng pinatuyong dahon ng marijuana.
