By Mar T. Supnad
LIMAY, Bataan – Dinakma ng pulis rito Lunes ng gabi ang isang 22-anyos na lalaki makaraang ito’y ireklamo ng kanyang mga kapitbahay diumano dahil sa walang habas na pagpapaputok ng baril.
Ayon kay Sr. Supt. Marcelo Dayag, Bataan police director, nahuli nila ang suspek na si John Daniel Herrera na may dalang dalawang undocumented heavy firearm: isang Bushmaster 5.56mm rifle at isang Karatay Taktik 12 gauge shotgun.
Akmang itatago umano ng suspek sa compartment ng kanyang kotse ang mga baril ng maaktuhan ng mga pulis.
Kakasuhan si Herrera ng alarm and scandal.