By Rowena Agilada
LAMPAS kalahating taon sa ere ang “Haplos” na magtatapos this week. Ibinahagi ng apat na lead stars ang hindi nila malilimutang alaala sa serye.
Ayon kay Sanya Lopez, hindi niya malilimutan ang bonding at camaraderie sa set. Tulung-tulong silang lahat, crew, production staff at mga artista para mapaganda ang show. “Thankful ako sa lahat ng sumubaybay. Hindi ko ini-expect na mae-extend kami nang mae-extend.”
Nag-enjoy naman si Thea Tolentino sa karakter niya bilang Lucille. Mami-miss niya ang mga eksenang nangungulam siya na aniya, pambihirang experience.
Marami siyang natutunan, sey naman ni Pancho Magno. Full of drama at intense ang mga eksena na never pa niyang nagawa.
All praises naman si Rocco Nacino kina Sanya at Thea. Very raw, very inspiring daw si Sanya. Kahit napapagod ito, ‘andu’n ang enthusiasm na mapagbuti pang lalo ang craft nito. Sobrang galing naman ni Thea bilang kontrabida.
Sa pagtatapos ng “Haplos,” wala pa ring humpay ang galit ni Lucille kay Angela. Abangan ang mga kaganapan sa huling dalawang araw ng serye sa GMA Afternoon Prime.
Pinagkaguluhan
Pinagkaguluhan si Christian Bautista sa Indonesia noong nag-guest siya sa tatlong TV shows. Una sa Trans TV kung saan naka-duet niya ang Indonesian singer-actress na si Bunga Citra Lestari. Nag-duet sila ng kantang “Tetaplah Dihatu” (“Please Be Careful With My Heart”).
Kinanta rin ni Christian ang single niyang “The Way You Look At Me.” Nag-guest din siya sa CNN Indonesia at RUMPI TV program kung saan pinag-usapan ang bagong single niya, “Take You Away.” Superstar ang turing kay Christian sa Indonesia.
Mapapanood na
Magkakasamang umalis papuntang Thailand sina Dingdong Dantes, Mikael Daez at Benjamin Alves.
May event doon, “Have A Bright Day,” handog ng JKN Global Media in partnership with GMA Worldwide. Mapapanood na sa Thailand ang “Ang Dalawang Mrs. Real” na pinagbidahan ni Dingdong Dantes with Lovi Poe and Maricel Soriano, “My Faithful Husband” nina Dennis Trillo, Jennylyn Mercado at Mikael Daez, “Beautiful Strangers” nina Heart Evangelista at Benjamin Alves.
Wagi
Congratulations sa Kapuso stars na nagwagi sa PMPC Star Awards for Movies. Recipient si Gina Alajar ng Nora Aunor Ulirang Artista Lifetime Achievement Award. Movie Supporting Actress si Odette Khan para sa “Bar Boys” at Movie Original Theme Song ang composition ni Nar Cabico ng “Natapos Na Tayo” mula sa pelikulang “All of You.”