MULI na namang pinatunayan ng ilang Kapuso stars ang husay nila matapos silang parangalan sa katatapos lang na 34th Star Awards for Movies.
Napili kasi ang “Ika-6 Na Utos” star na si Odette Khan bilang Movie Supporting Actress of the Year para sa kanyang natatanging pagganap sa pelikulang “Bar Boys.”
Samantala, hinirang naman na Movie Original Theme Song of the Year ang kinompose na kanta ng “The One That Got Away” star na si Nar Cabico na “Natapos Tayo” mula sa pelikulang “All Of You.”
Waging-wagi naman ang mahusay na direktor at “Hindi Ko Kayang Iwan Ka” cast member na si Gina Alajar dahil naiuwi niya ang Nora Aunor Ulirang Artista Lifetime Achievement Award.
