By ROBERT R. REQUINTINA
MATAPOS ang kanilang matagumpay na commercial para sa isang sikat na fast-food chain, muling nagkita ang dating mag-asawang si Sharon Cuneta at Gabby Concepcion sa Taguig City noong Huwebes, Feb. 22.
Sari-saring speculations ang lumabas tungkol sa nasabing pagtatagpo ng dalawa sa lunch meeting sa isang exclusive na lugar sa The Fort.
Hight sa lahat, muling kinilig ang kanilang mga fans sa balitang pagtatagpo nilang dalawa. May chika na mukhang gagawa na uli sila ng pelikula.
Nag-post si Sharon at si Gabby ng mga pictures sa kani-kanilang social media account tungkol sa nasabing meeting.
Napaulat pa nga na kasama nila Gabby at Sharon sa meeting ang isang opisyal ng Star Cinema. Pero pinabulaanan ito ng megastar.
“MAJOR CORRECTION. NO ONE FROM STAR CINEMA OR ANY OTHER FILM PRODUCTIONS OR ANY TELEVISION NETWORK WAS WITH US AT LUNCH TODAY. DETAILS ARE UNDER WRAPS. SORRY!” ayon sa post ng megastar sa FB.
Naging usap-usapan din ang hashtag na “forgiveness” na nilagay ni Gabby tungkol sa meeting niya kay Shawie.
Nag-post din si Gabby ng isang black-and-white throwback photo kung saan nagtatawanan silang dalawa ni Sharon.
Samantala, si Shawie naman ay nag-post rin ng throwback photo kung saan magkasama si Gabby at ang baby nilang si KC.
Sabi nga ng isang fan sa comment section: “Humingi kaya si Gabby ng kapatawaran kay Sharon sa mga nangyari noon?”
Noong Feb. 21, bago s’ya matulog, humingi ng dasal si Sharon para sa isang importanteng meeting. Hindi na s’ya nag-elaborate pa ng detalye.
“Tomorrow I am going to have a big, important meeting. Can you please pray that it go very, very well? I promise you that if it does, YOU will be VERY happy! Only if it is God’s will. Please pray with and for me, okay?” ayon sa post ni Sharon sa Facebook.
Unang nagtambal sila Gabby at Sharon sa pelikulang “Dear Heart” noong 1981. Sinundan pa ito ng pito pang pelikula na lahat ay naging box-office. Huli nilang ginawa ang “Tayong Dalawa” noong 1992. Ikinasal sila noong 1984 at nagkaroon ng isang anak na si KC Concepcion. Naghiwalay naman sila noong 1987. May kani-kaniya na silang pamilya ngayon pero friends pa rin sila.