By Rowena Agilada
HAPPY at thankful ang buong cast ng “Hindi Ko Kayang Iwan Ka” dahil panalo sa rating ang pilot episode nito.
Nakapagtala ito ng 5.3% base sa AGB Rating.
Napapanahon ang tema ng advoca-serye ng GMA tungkol sa HIV cases. Maraming malalaman at matututunan ang televiewers sa pagsubaybay sa HKKIK sa GMA Afternoon Prime. Tutok lang.
Nominated
Nominated si Gabbi Garcia sa annual Kid’s Choice Award ng Nickelodeon bilang Favorite Pinoy Newbie. Thankful siya na aniya, isang malaking karangalan na maging nominee siya.
Worried naman ang GabRu fans nina Gabbi at Ruru Madrid dahil sa nababalitang diumano’y ang bagong apple of the eye ni Ruru ay ang winner ng Asia’s Next Top Model 2017 na si Maureen Wroblewitz.
Wala pa namang inaamin si Ruru na nililigawan niya o GF niya si Maureen. Hindi niya ikinakaila na attracted siya kay Maureen. Umalis na ang huli papuntang London at three months siyang mamamalagi roon para sa commitment niya sa isang modelling agency.
Klaro naman ang estado ng relasyon nina Ruru at Gabbi. Friends lang sila, working partners. No commitment na ani Ruru, career ang priority niya ngayon.
Layunin
Hanggang March 31, 2018 ang submission ng application para sa Sinesaysay Film Documentary Lab and Showcase. Open ito para sa mga estudyante at aspiring documentary filmmakers.
Organized by the Film Development Council of the Philippines (FDCP) in partnership with the National Historical Commission of the Philippines (NHCP), layunin ng Sinesaysay Film Documentary na ma-encourage ang documentary filmmakers na ma-explore ang mga bihirang mabisita na Philippine historical events.
Dalawang categories ito…Bagong Sibol Documentary Lab at The Feature Documentary Showcase. For more details, please contact (02) 2569908 or visit https://www.fdcp.ph/sinesaysay
In love
Mukhang wala na talagang second chance for Raymart Santiago and Claudine Barretto. How true kaya ang balitang in a relationship si Raymart sa isang non-showbiz girl? May mataas na posisyon daw ito sa Ayala Malls. First cousin daw ito ni Senator Loren Legarda.
Kung dati’y isang hunk actor ang napapanood sa house ad ng Ayala Cinemas, si Raymart Santiago na ang bumibida sa action scenes. May kinalaman kaya ang diumano’y non-showbiz GF niya?
Pansin namin sa latest photos ni Raymart sa print at social media, ang guwapo niya at nagmukhang bata. Dahil kaya in love at inspired siya ngayon? Aminin!
