By Laila Chikadora
CHINIKA ni Kim Chiu na pinanood nila ng jowang si Xian Lim ang pelikulang “Sin Island.” Say ni Kim, kinaya naman daw niya ang mga hot na hot na eksena ni Xian at ng mga leading ladies nito sa pelikula.
Hindi rin daw kasi siya ang type na pigilan ang jowa na kumuha ng iba’t-ibang roles kung ikalalago ito ng kanyang karera. “Pinanood namin. Intense and adult. Mature. Siyempre as an actor ang galing niya. Kung ano ang gusto niyang gawin, gawin niya, siyempre he’s an actor and lahat naman tayo gusto mag-grow.”
Nang tanungin naman siya kung handa na ba siyang gumawa ng isang mature movie kasama ang real life boyfie, say ni Kim “Nasa tamang edad naman na kami and then not super naman siguro na papunta na sa kakaibang type na movie, ‘yung may sense dapat.”
Naikuwento din ng chinita princess ang viral video ng pagkakahulog niya sa production number ng ASAP nitong Lingo.
“Nagkaroon lang ng misunderstanding between Enzo and Arron kung aangat nila ‘yung glass o hindi. It’s a performance and wala naman dapat sisihin dun. Kasi wala naman nagkamali.”
