By Rowena Agilada
HOW true kaya ang tsikang diumano’y sinuspinde si Juancho Trivino ng GMA7 dahil sa pag-dirty finger niya sa standee ni Alden Richards ng isang brand ng wristwatch? Nag-sorry na si Juancho kay Alden na anang Pambansang Bae, ayaw na niyang palakihin ang isyu.
Magkababayan sina Alden at Juancho sa Sta. Rosa, Laguna at schoolmates pa sila. A source told us, noon pa man ay bully na si Juancho at nabiktima na niya si Alden. Likas lang daw mabait at hindi mapagpatol si Alden.
Sa presscon ng Cookie’s Peanut Butter na si Alden ang celebrity endorser, sinabi niyang willing siyang maka-work si Juancho. Wala siyang tampo o sama ng loob.
Bigyan kaya niya ng Cookie’s Peanut Butter si Juancho? Palaman ng Bayan ang tagline nito. Mas swak sana kung Pambansang Palaman dahil Pambansang Bae si Alden. O, di ba?
Sa mga nagtatanong kung saan magho-Holy Week si Alden, nasa Dakak beach resort siya sa Dapitan kasama ang kanyang pamilya. Four days sila roon. Good Friday ang balik nila at sa bahay lang sila magpapalipas ng Black Saturday at Easter Sunday.
Nagkakalabuan?
Nagkakalabuan nga ba ang relasyon nina Gerald Anderson at Bea Alonzo? Ini-unfollow kasi ni Bea sa Instagram ang kanyang boyfriend, pati si Pia Wurtzbach.
Binura rin ni Bea ang promotion at poster ng “My Perfect You.” Tanong ng fans nila ni Gerald, may pinagdaraanan daw ba sila? We hate to think na nagseselos si Bea kay Pia? May boyfriend si Ms. Universe 2015, si Marlon Stockinger.
Inaabangan ng Gerald-Bea fans kung magkasama sila sa Holy Week. Kapag hindi, pwedeng isiping baka nga may problema sa kanilang relasyon.
Isyu
Tanong ng netizens, iniinis daw ba ni Sharon Cuneta ang hubby niyang si Senator Kiko Pangilinan? Isyu ang hindi pagpunta ng megastar sa launching ng jewelry business ng daughter niyang si KC Concepcion. ‘Andun si Sen. Kiko at ang mga anak nila ni Sharon bilang suporta kay KC.
Si Sharon naman ay nakipag-dinner kay President Rodrigo Duterte sa Malacañang kasama ang brother niyang si Chet.
Kontra-partido sina Pres. Digong at Sen. Kiko na presidente ng Liberal Party.
Binigyan pa si Sharon ni Pres. Digong ng pen bilang souvenir.
For the past weeks, panay ang posts ni Sharon ng throwback photos nila ni Gabby Concepcion at ng ex-BF niyang si Richard Gomez. Hindi nauubusan ng pasabog si Sharon. Deadma lang naman si Sen. Kiko.
