By Jerry J. Alcayde
CALAPAN CITY, Oriental Mindoro – Tiklo sa Barangay Sabang, Puerto Galera Linggo ang isang 24-anyos na lalaki, matapos siyang malag-lag sa isang buy-bust operation.
Ayon kay Senior Superintendent Christopher C. Birung, provincial director ng Oriental Mindoro Police Provincial Office, bumiyahe pa mula Pasay ang hinihilang drug suspek na si Angelito G. Viray, upang ibenta ang dala-dala niyang marijuana.
Duda nila target ni Viray ang mga libu-libong bakasyunistang pumupunta sa lugar lalo na’t malapit na ang Semana Santa.
Hindi nakapalag si Viray nang posasan siya ng pinagbentahan niya ng droga na isang undercover agent pala dakong alas-4 ng hapon.
