By Rowena Agilada
IPINAGTANGGOL ni Congresswoman Vilma Santos-Recto si Luis Manzano laban sa mga nag-aakusang playboy ito. Aniya, hindi playboy ang anak niya. Never daw naging two-timer si Luis. Sobra lang itong magmahal to a point na nakakasakal ang pagmamahal nito.
Ayon pa kay Cong. Vi, kapag seryoso si Luis sa pakikipag-relasyon ay ipinapakilala sa kanya. Ilang GF’s na ba ni Luis ang naipakilala niya sa kanyang mommy Vi? Nancy Castiglione, isang non-showbiz girl na na-forget namin ang name, Angel Locsin, Jennylyn Mercado, Jessy Mendiola.
Proud ding sinabi ni Cong. Vi na magandang ehemplo si Luis na kahit hiwalay ang kanyang parents ay nagsikap itong magkaroon ng magandang buhay.
Naging emotional si Cong. Vi noong nag-guest siya sa “I Can See Your Voice” para sa birthday celebration ni Luis. Proud mommy siya sa rami ng mga taong natulungan (financially and otherwise) ni Luis. Naging contestants ang mga ‘yun sa ICSYV na bumati at pinasalamatan si Luis.
Ayon pa kay Cong. Vi, marami pang ibang taong natulungan ang anak niya. Hindi na lang nito ipinaalam sa publiko. Saludo kami sa pagiging generous ni Luis. Marunong siyang mag-share ng blessings. Kaya naman, patuloy ang dating ng suwerte sa kanya. Lucky guy, indeed!
Damay
Damay si Korina Sanchez sa galit ni Kris Aquino kay James Yap. Hindi nagustuhan ni Kris ang pag-feature ni Korina sa “Rated K” ng bagong pamilya ni James. Ipinakita ang super cute na anak nina James at Michela Cazzola na si MJ (Michael James).
Magkakaroon na sila ng second baby at girl ito, kaya super excited sina James at Michela.
Naglitanya si Kris sa socmed na parang sampal daw sa mukha niya ang ginawa ni Korina (misis ni Mar Roxas ang tawag niya). Isinumbat pa ni Kris ang ginawa niyang pag-suporta sa kandidatura ni Mar Roxas noong 2016 presidential election.
Mukhang nasa fighting mood si Kris. Deadma lang naman sina James at Korina.
Buwis-buhay
Kaabang-abang ang buwis-buhay na eksena ni Yasmien Kurdi sa “Hindi Ko Kayang Iwan Ka.” Tatalon siya sa Jones bridge na siya mismo ang gumawa. Hindi siya nagpa-double kahit alam niyang delikado ang eksena.
Mapapanood ang eksena ngayong Miyerkules, kaya tutok lang sa HKKIK sa GMA Afternoon Prime.
