By Rowena Agilada
HAPPY ang cast ng “Hindi Ko Kayang Iwan Ka” dahil extended ang naturang adbokaserye. Anila, mas lalo silang ginanahang magtrabaho.
Anang lead stars na sina Yasmien Kurdi at Mike Tan, hindi nila in-expect na mae-extend ang show nila. Thankful sila na marami ang sumusubaybay sa HKKIK na pawang magaganda ang comments ng viewers. Marami silang natututunan tungkol sa sakit na HIV.
Ani Yasmien at Mike, ‘yun naman ang layunin ng kanilang adbokaserye na maliwanagan ang maling impression sa mga taong may HIV. Hindi dapat pandirihan ang mga ito.
Ayon kay Yasmien, marami pang pasabog ang HKKIK na dapat abangan. Ayon naman kay Mike, may mga revelation na hindi pa rin niya mapapaniwalaan. Maguguluhan pa rin siya.
No show
No show si Raymart Santiago sa graduation day ni Sabina, adopted daughter nila ng estranged wife niyang si Claudine Barretto. Nasabihan kaya si Raymart o hindi lang ipinaalam sa kanya?
Si Piolo Pascual na ninong ni Sabina ang tumayong “tatay-tatayan” niya na kasama ni Claudine umakyat sa stage. Sabina graduated from Grade 8 sa isang international school sa QC.
At least, nagpaka-ninong duties si Piolo dahil hindi ba, ang godparents ang tumatayong pangalawang magulang ng kanilang mga inaanak?
Nagkatrabaho sina Claudine at Piolo sa pelikulang “Milan” at sa teleserye ng ABS-CBN na “Walang Kapalit.”
Thankful
Sobrang thankful si QC district 2 councilor Roderick Paulate sa suporta ng showbiz friends niya. Kinasuhan siya ng graft at falsification of public documents at ang liaison officer niyang si Vicente Bajamude.
Nakapagpiyansa na sila na ayon sa balita, sa May 25 ang itinakdang pagbasa ng sakdal laban sa kanila. Ayon kay Paulate, paulit-ulit na lang ang kaso.
Nagtataka ang actor-politician na naungkat na naman ang kontrobersiya ngayong nalalapit na ang Barangay Election sa May 14. Sa October naman ang filing ng candidacy para sa May 2019 local election.
Last term na ni Roderick bilang councilor at hindi pa niya masabi kung ano’ng posisyon ang tatakbuhan niya.
“Lord, ano naman po ang susunod na gagawin sa akin? No one is more powerful than you, Lord. No one is above your Name!” post ni Paulate sa socmed.
