By RUEL J. MENDOZA
OPISYAL na isang Kapuso na ang seasoned actor na si John Estrada.
Pumirma ng kanyang exclusive contract with GMA Network si John noong nakaraang May 2.
Sobrang happy at excited si John dahil pagkatapos ng ilang buwang usap-usapan na lilipat siya sa GMA-7 pagkatapos ng higit na 26 years sa ABS-CBN 2, heto at nasa Kapuso Network na siya.
“I feel so welcome and at the same time excited. Well, it’s a fact naman that I love challenges di ba? And as you mature, syempre mas marami kang gustong patunayan sa sarili mo. At dito sa GMA, mas interesting ‘yung mix of content.
At of course, bagay sa’kin ‘yung versatility na ino-offer nila,” sey ni John.
Unang project ni John ay isa sa pinakamalaking teleserye na ginawa ng GMA-7. Kaya excited na siyang gawin ito.
“Itong first project ko, dito ako medyo sobrang excited dahil napakaganda. If I am not mistaken, this is the biggest project of GMA this year. ‘Yung revelation nito dapat perfect timing kasi nga malaking project ito and I am really looking forward to that. I just want to say that it’s all worth the wait.
“The role and the project itself, I’ve never done something like this. This is my first time to do something like this. Kaya sana, mga Kapuso, abangan niyo ito talaga dahil maraming bago sa series na ito,” diin pa ng aktor.
Bukod sa upcoming project, gusto ni John na makatrabaho ang kanyang daughter na si Inah de Belen at iba pang Kapuso stars.
“I’m looking forward to work with my daughter, Inah. And of course, I am a good friend of #DingdongDantes and #MarianRivera. It’s my dream to work with them. Of course, marami pang Kapuso talents na napapanood ko na magagaling talaga,” pagtapos pa ni John Estrada.
