By Anthony Giron
TAGAYTAY CITY, Cavite – Binawian ng buhay ang 87-anyos na lolo rito Lunes makaraang mabundol siya ng isang motorsiklo.
Ayon sa pulisya, nagyari ang insidente sa Barangay Niogan 9:30 ng umaga.
Diumano’y tumatawid ang bikitimang si Porfirio Tolentino ng bigla siyang mahagip ng isang humaharurot na Ducati 1260 big bike na minamaneho ni John Jacinto Marcelo, 46.
Nagtamo ng sugat sa ulo at katawan ang bikitima na hindi na umabot ng buhay sa ospital.
Agad naman sumuko si Marcelo sa pulisya.
Hahainan siya ng kasong reckless imprudence resulting in homicide ng mga awtoridad.
