By DANTE A. LAGANA
NOONG namamayagpag ang career ng isang sikat na singer sa ibang bansa mayroon siyang moment na gustong balik-balikan at ito ay nang makita niya ng personal at mameet ang isang Hollywood actress.
Nandodoon na sana ‘yung moment na makapagpapicture ngunit pinigilan siya at hindi pinayagan ng isang musician.
Pero naiintindihan niya ang situwasyon during that time. Pero laking panghihinayang niya talaga dahil wala siyang souvenir photo ng naturang American actress, former songwriter and a model. Ang Hollywood actress ay sumikat sa kanyang pelikula na love story na may temang multo.
Ang sumikat na singer ay nakilala sa pagsali-sali sa mga singing contests at pagiging biritera hanggang maging sensational sa social media at sumikat sa ibang bansa. Laging standing ovation sa bawat performance niya abroad. Siya ang Pinay na napansin at nakapasok sa international scene at nagkaroon ng pagkakataong mameet at makaeksena ang mga sikat na international artists.
Ang kanyang awitin na nairelease noon ay patuloy pa ring napapatugtog sa US dahil may mga Pinoy doon na habang kumakain daw sila sa restaurant musika ng naturang singer ang kanilang naririnig.
