Malungkot ngayon ang batikang komedyanteng si Pokwang.
Pinaramdam niya ito sa mga fans sa pamamagitan ng isang Tweet, Martes.
Aniya, “Gusto ko lang naman maghanap buhay ng marangal, at bilang nais ko lang din magbalik hanap buhay para sa mga anak ko, bakit parang may humaharang? Inaano ko ba kayo? Kaka lungkot naman.”
Walang pangalan binanggit ang ABS-CBN talent sa kanyang post.
Huling nakita sa telebisyon ang aktres noong May 12, nang lumabas siya sa Mother’s Day episode ng long-running drama anthology “Maalaala Mo Kaya.”
Ito ang una niyang proyekto matapos isilang ang unang anak nila ng boyfriend na si Lee O’Brien na si Malia. (Delia Cuaresma)
